Obločec
obločec na babičine hiže
kak da ni pravi oblok
čez njegvo steklo
svet nekak čistam
drugač zgledi
v zime meste pahulj
angele kaže
mučke
bucmaste i bele
kaj fletno z bosemi nogami
nebesku stezu gaziju
i na crkveni turen
zvona zibat
prihajaju
gda se vuletje
razeleni
obleček se man
v zrcalo
prevrgne
ogledavlju
vu njem gizdu
črlene šipek rože
i dišeči jorgovani
leto oblečeku
blaga prinese
ruške magdalenke
v žote cifre
preobrazi na vrhoču
i se po grana
obločec se
v svetlost kak
zorja
preslači
v jesenski večerki
dešč
obloček
na spomenek
vabi
rezbite se kaplje
na njem kušuju
senje stiha
na oka
dohajaju
megleni obloček
pela
v bolši
svet…